رواية اسرار حماتي جميع فصول الرواية
اللي جاتلها فيه أزمة قلبية وملحقناش حتى ننقلها المستشفى..
في اللحظة دي انا كنت متأكد ان وجود حماتي في البيت يوم كمان هو خطړ وخطړ كبير أوي..
الست دي لازم تسيب البيت فورا بس الأول انا لازم افهم هي بتعمل ايه بالظبط..
بس هعرف دا ازاي وهي خلاص احتلت الأوضة وحولتها لمكان غامض مقفول..
انا لازم أدخل الأوضة دي وافهم ايه اللي بيحصل جواها بالظبط بس هدخل الأوضة ازاي اصلا وهي مبتخرجش منها نهائي..
ولقيت فكرة كويسة..
استغليت حكاية الفيروس اللي في البلد دي وقولتلها هي ومراتي اني هجيب حد يعقم البيت كله ويرش مواد كيماوية ومينفعش يكونوا موجودين في الشقة ساعة التعقيم..
وبالفعل اقنعتهم انهم يستنوا عند مدام رشا اللي في الشقة اللي قصادنا نص ساعة بس لحد ما الناس يعقموا البيت..
الأوضة كان شكلها مخيف..
كتب قديمة في كل مكان قديمة جدا مكتوبة على جلد حيوانات بخط الايد فيها مخطوطات غريبة بحروف وأرقام عربي ومخطوطات تانية باللاتينية القديمة وبالهيروغليفي كمان..
شمع على الأرض وصور قديمة جدا لناس ميتين..
لكن المنظر المرعب اللي شوفته في اوضتها مكانش منظر الكتب الغريبة ولا منظر الشمع ولا النقوش اللي ظهرت على الحيطان فجأة مش عارف ازاي..
بعد ما شوفت المنظر دا اټرعبت اكتر ما كنت مړعوپ وزاد خۏفي وقلقي من الست دي ومن اللي بتعمله..
رجعت كل حاجة مكانها وخرجت وقفلت الأوضة والراجل كان خلص تعقيم كان فيه مشوار مهم لازم اعمله عشان اتأكد من اللي في دماغي..
ضړبت الجرس خرجت مدام رشا قولتلها ابعتي الجماعة بقى وقوليلهم خلاص يقدروا يرجعوا الشقة قلت لمراتي اني رايح مشوار ومش هتأخر دخلت الشقة هي وحماتي وأنا نزلت على السلم بس لقيت مدام رشا بتنادي عليا وأنا نازل..
استاذ محمد يا استاذ محمد
أيوه يا مدام رشا اؤمري
خير
الست الكبيرة اللي كانت هنا دي تبقى حماتك فعلا
أيوه
بص انا عارفة ان اللي هقوله دا غريب ويمكن متصدقوش انت عارف ان الشيخ مصطفى جوزي بيشتغل معالج بالقرآن وياما ربنا كتب لناس كتير الشفا على ايده من السحر والمس وحالات كتير عالجهم من غير اي مقابل لوجه الله كدا
عارف يا مدام رشا عارف ايه علاقة حماتي بالحكاية دي..
بعد ما سمعت الكلمتين اللي قالتهم مدام رشا حسيت اني مش متزن بدأت أراجع كل تصرفات حماتي الغير مفهومة اللي كنت بشوفها في الكام يوم اللي فاتوا دي كانت حابسة نفسها في الأوضة تماما من غير اكل ولا شرب مراتي كانت بتقول انها اكيد جايبة اكلها معاها بس انا لما دخلت الأوضة وفتشت في حاجاتها ملقيتش اي أكل مفيش إنسان في الدنيا يقدر يعيش المدة دي كلها من غير أكل..
بس انا برضو مشوفتش أموات بتتكلم قبل كدا..
بدأت أتذكر الظروف اللي اتعرفت فيها على مراتي..
انا مكنتش اعرفها كويس مكنتش
