اختي راحت
انت في الصفحة 1 من 5 صفحات
اختي ماټت يوم دخلتها بسبب تشخيص غلط
منه
اي الكلام اللي انت بتقولوا ده عايز
تسلمي ده فاضل كام ساعه علي فرحانه
احمد
مش ذنبي فاكره لما تيجي دلوقتي وتقولي
انك تعبانه هقولك اكمل الحوار لا ي ماما
وكفايه خسائر لحد كده وعايز دهبي
وقبل ما نبدا الحكايه اعرفكم بنفسي
انا رقيه عندي 25 سنه متجوزه بس
وفي يوم كنت بكلم جوزي في التلفون وقولت
رقيه
لا يا عماد مش ماشيه انت عارف ان هفضل
الفتره دي عند بابا علشان خاطر فرح منه
مش اول لما امك تسخنك في كلمتين
تيجي بقي وتعملهم عليا
عماد
يا بنتي ما انت برده لازم تروحي تشوفي بيتك وحياتك وارجعي تاني عند مامتك انا ما قلتلكيش لا
بيتي ايه يا عماد هي امك بترضى تخليني اطلع شقتي اصلا ما انا على طول بكون قاعده عندها تحت امك عايزاني اخدمها مش اكتر
عماد
بالله عليك يا رقيه انا من يوم ما سافرت وانا في تعب اعصاب ارجوكي روحي خليكي اليومين دول مع ماما وبعد كده ابقي روحي عند مامتك
رقيه
عماد كفايه قوي ان انا مستحمله انك مسافر وسايبني لوحدي انا واحده لسه صغيره المفروض اتهنى مع جوزي مش قعد معايا يا دوب شهر وبعد كده اسافر
انا تعبت منكم والله اريحك انت وهي انا هقفل تليفوني ومحدش هيعرف اي حاجه عني
وبعدها قفل التلفون وماما دخلت
الام
يا بنتي هو انتي كل يوم انتي وجوزك في مشاكل كده ما تسمعي كلام جوزك وروحي
اختك لسه قدامها شويه يعني هي مش صابحه تتجوز بكره
رقيه
مش هنفذ كلام امه حتى لو عمل ايه وبعدها دخلت منه وقالت
تعرفي الحاجه الوحيده اللي مخلياني مش عايزه اكمل الجوازه دي هو انت خاېفه الجواز كله يطلع زي ما انت ماعايشه كده
رقيه
يا اختي احمدي ربنا انت ولا ليكي حما ولا اخت جوزي يعني الحمد لله مش هيكون عندك مشاكل
منه
بس متعرفيش احمد صعب ازاي
والله ده متحكم في كل حاجه وانا خاېفه أن يحصل مشاكل بيني وبينه كتير بعد الجواز
الست لازم تكون طوع جوزها والله ما هيحصلك
مشاكل لو عملتي كده وانتي روحي عن حماتك
انهارده وبكره باذن الله تيجي بس اسمعي
كلام جوزك
رقيه
عارفه والله انك بتيجي عليا انا
حاضر وبعدها مشيت
منه
اه دماغي با ماما موضوع الصداع
ده بقي كتير اوي مش عارفه والله اعمل
اي بعد كده فيه
ربنا يشفيكي يا بنتي طيب ابقي روحي لدكتور
واطمني علي نفسك حتي تعرفي عندك اي
رقيه
باذن الله يا ماما المهم انا قايمه
رايحه الشغل لاحسن الفتره دي مش عايزه مشاكل مع المدير خليني اخلص الفتره دي
علي خير
الام
ربنا يسعدك يا بنتي والله ما عارفه اقولك اي
لولا الظروف ما كنت خليتك تشتغلي
وبعدها نزلت وكانت عمتها علي السلم
العمه
جرا اي يا منه محدش بقي يشوفك يعني يا حبيبتي ليه كده ولا كأننا موجدين
في بيت واحد
منه
معلش يا عمتو انتي عارفه والله الضغط
اللي انا فيه الفتره دي ربنا يعلم انا عامله ازاي
بس اوعدك لما اجي من برا هجيلك نقعد
مع بعض شويه
العمه
ولا انتي خطيبك قايل ليكي
متجيش عندنا علشان سامح يا بنتي
كل شي قسمه ونصيب وكل واحد بياخد
نصيبه وانتو برضه اخوات مهما أن حصل
منه
عارفه لا عمتي وربنا يعلم انا بعز سامح قد
اي ربنا يعلم أنه زي اخويا وبعدها لقيت
احمد بيرن عليا
بعد اذنك يا عمتي بقي لاحسن احمد
بيرن عليا وبعدها نزلت وكان أحمد
واقف في الشارع اللي ورا شرعنا
منه
معلش يا حبيبي انا اسفه أن اتاخرت عليك
بس كان ڠصب عني ماما كانت عايزني
اعملها شويه حاجات قبل ما انزل
وراح في الوقت ده ضربها وقالها
انتي كدابه انتي اتاخرتي
علشان
عمتك
